തലസ്ഥാനത്ത് ഓപ്പറേഷന്‍ റോമിയോ; കൈയ്യോടെ പൊക്കിയത് 200 പേരെ

തലസ്ഥാനത്ത് സ്ത്രീകളെയും പെണ്‍കുട്ടികളെയും ശല്യം ചെയ്ത ഇരുനൂറോളം പൂവാലന്മാരെ പോലീസ് കൈയ്യോടെ പിടികൂടി. ഓപ്പറേഷന്‍ ‘റോമിയോ’ എന്ന പേരില്‍ സിറ്റി പൊലീസ് നടത്തിയ പ്രത്യേക പരിശോധനയിലാണ് ഇത്രയും പേര്‍ പിടിയിലായത്.

സ്‌കൂള്‍, കോളേജ്, ബസ് സ്റ്റാന്‍ഡ്, ആശുപത്രി പരിസരം എന്നിവിടങ്ങളില്‍ വിദ്യാര്‍ഥിനികളെയും സത്രീകളെയും കമന്റടിക്കുകയും ശല്യപ്പെടുത്തുകയും ചെയ്തവരെയാണ് പോലീസ് പിടികൂടിയത്. ഇവരില്‍ 80 പേര്‍ക്കെതിരെ കേസ് രജിസ്റ്റര്‍ ചെയ്തു. 120 പേര്‍ക്കെതിരെ പെറ്റിക്കേസെടുത്തു.

സിറ്റി പൊലീസ് കമീഷണര്‍ പി. പ്രകാശിന്റെ നിര്‍ദ്ദേശപ്രകാരം ഡി.സി.പി ജി. ജയ്‌ദേവിന്റെ നേതൃത്വത്തിലാണ് ഓപ്പറേഷന്‍ റോമിയോ പരിശോധന നടത്തിയത്.