പോലീസ് തലപ്പത്ത് വീണ്ടും അഴിച്ചു പണി; ബി.സന്ധ്യയേയും പി.വിജയനേയും തല്‍സ്ഥാനത്ത് നിന്ന് മാറ്റി

ദക്ഷിണാമേഖല എഡിജിപി ബി.സന്ധ്യയേയും എറണാകുളം റേഞ്ച് ഐ.ജി പി.വിജയനേയും തല്‍സ്ഥാനത്ത് നിന്ന് മാറ്റി.കൊച്ചിയില്‍ നടി ആക്രമിക്കപ്പെട്ട കേസിന്റെ അന്വേഷണത്തിന് നേതൃത്വം നല്‍കിയത് ബി. സന്ധ്യയായിരുന്നു.

സംഭവത്തില്‍ നടിയുടെ മൊഴി ആദ്യമെടുത്ത ഉദ്യോഗസ്ഥനാണ് ഐജി പി.വിജയന്‍. പി.വിജയനെ പോലീസ് ആസ്ഥാനത്ത് അഡ്മിനിസ്‌ട്രേറ്റീവ് ഐ.ജിയായിട്ടാണ് ഇപ്പോള്‍ നിയമിച്ചിട്ടുള്ളത്. ബി.സന്ധ്യയ്ക്ക് പകരം അനില്‍ കാന്ത് ദക്ഷിണാമേഖല എഡിജിപിയാവും.

കെ.പത്മകുമാറാണ് പുതിയ ട്രാന്‍സ്‌പോര്‍ട്ട് കമ്മീഷണര്‍.വിജയ് സാക്കറെയാണ് പുതിയ എറണാകുളം റേഞ്ച് ഐജി.