കുർബാന സിമ്പിളാണ് ബട്ട് പവർഫുൾ; നിപയിൽനിന്ന് രക്ഷപെടാൻ കുർബാന ഒാൺലൈൻ വഴി

നിപ വൈറസിനെ തുരത്താനും നിപയുടെ പേരിൽ കൊന്നൊടുക്കിയ വവ്വാലുകൾക്കു നിത്യശാന്തിക്കായും പങ്കിലക്കാട്ടിൽ ഇന്നലെ ആരംഭിച്ച പ്രമുഖ ഡിങ്കോയിസ്റ്റ് ബ്രദര്‍ ആശിഷ് ജോസ് അമ്പാട്ടിന്റെ (പങ്കില യുണൈറ്റഡ് സെമിനാരി ഡയറക്റ്റർ ) വിശുദ്ധ ബാലമംഗള ശുസ്രൂഷയിൽ ഡിങ്കൻ അത്ഭുതങ്ങൾ പ്രവർത്തിക്കുന്നു.അദ്‌ഭുത രോഗ ശാന്തി(എല്ലാവരുടെയും പോലെ അല്ല.ഇതു വിദഗ്ധ ഡോക്ടർമാർ അപ്പപ്പോൾ പരിശോധിച്ച് രോഗ സൗഖ്യമായതിന്റെ സർട്ടിഫിക്കറ്റ് നൽകും അതിനു ശേഷം മാത്രം സാക്ഷ്യം പറഞ്ഞാൽ മതിയാകും.)കൂടാതെ ഭാഷാവരവും അന്യ ഭാഷാവരവും,ഇത് പെന്തക്കോസ്തു കരുടേതു പോലെ വായിൽ തോന്നുന്ന അപശബ്ദങ്ങൾ ഉണ്ടാക്കുകയല്ല ഓരോരുത്തർക്കും അവരവർക്കു താത്പര്യം ഉള്ള ഭാഷകളിൽ പ്രത്യേക ഭാഷാവരം നൽകും.

മലയാളം മീഡിയം സ്‌കൂളിൽ പഠിച്ചു ഇംഗ്ളീഷ് ഫ്ലുവന്റ് അല്ലാത്തതിന്റെ പേരിൽ ഇനി ആരും സങ്കടപ്പെടുകയോ സ്പോക്കൺ ഇംഗ്ളീഷ് ക്ലാസിൽ പോയി വെറുതെ കാശ് കളയുകയോ വേണ്ട.എല്ലാ മാസത്തെയും ആദ്യ വെള്ളി ശനി ഞായർ ദിനങ്ങളിൽ നടക്കുന്ന വിശുദ്ധ ബാലമംഗള ശുസ്രൂഷകളിൽ പങ്കെടുത്ത് ഭാഷാവരം നേടാവുന്നതാണ്.ഇംഗ്ളീഷ് ഭാഷാവരം ആവശ്യം ഉള്ളവർക്ക് ലിറ്ററൽ ലാങ്ഗ്വേജിലും ഫങ്ഷണൽ ഇംഗ്ളീഷിലും പ്രത്യേകം പ്രത്യേകം അനുഗ്രഹങ്ങളെ പ്രാപിക്കാവുന്നതാണ്.വിദേശത്തു പോകാൻ ആഗ്രഹിക്കുന്നവർ എല്ലാ ഭാഷകളും കൈകാര്യം ചെയ്യാൻ പാകത്തിൽ പ്രാവീണ്യം നൽകുന്ന അന്യ ഭാഷാ വരവും പ്രാർത്ഥിച്ചു നേടാൻ അവസരം ഉണ്ട്.അന്യ ഭാഷാ വരം ലഭിച്ചവർക്ക് ഐ എൽ ടി എസ് സെർട്ടിഫിക്കറ്റും നൽകും.

കൂടാതെ ബാലമംഗള ശുസ്രൂഷയോടോപ്പം എല്ലാ ദിവസവും വിവിദ റീത്തുകളിലുള്ള കുർബാന ഉണ്ടായിരിക്കുന്നതാണ്.ഇവിടെ കുർബാന സ്വീകരിക്കുന്നവർക്ക് വായിലോ കയ്യിലോ സ്വീകരിക്കേണ്ടതില്ല.നിപ്പാപേടികൂടാതെ കുർബാന ഓൺലൈൻ ആയി വാങ്ങി തിന്നാവുന്നതാണ് ധ്യാന ഹാളിൽ വരാൻ അസൗകര്യമുള്ളവർക്ക് പങ്കില യുണൈറ്റഡ് സെമിനാരിയുടെ വെബ്‌സൈറ്റിലും www.newsgil .com എന്ന വെബ്‌സൈറ്റിലും പങ്കിലക്കാട്ടിൽ നടക്കുന്ന അത്ഭുത രോഗശാന്തി സുസ്രൂഷയിലും കുർബാനയിലും ഓണലൈനായി പങ്കുകൊണ്ട് നിപ വൈറസിൻറെ കോപത്തിൽനിന്ന് വിടുതൽ പ്രാപിക്കാവുന്നതാണ്. ഡിങ്കോയിസ്റ്റ് റീത്തിലുള്ള കുർബാന സിമ്പിളാണ് ബട്ട് പവർഫുൾ