കുട്ടനാടിൻറെ നീരവ് മോദി ഫാദർ തോമസ് പീലിയാനിക്കൽ കസ്റ്റഡിയിൽ

കുട്ടനാട്ടിൽ കർഷകരുടെ പേരിൽ കോടികളുടെ വായ്പാ തട്ടിപ്പ് നടത്തിയ 13 കേസിലെ പ്രതിയായ ഫാദർ തോമസ് പീലിയാനിക്കലിനെ കസ്റ്റഡിയിലെടുത്തു. കുട്ടനാട് വികസനസമിതി ഓഫീസിൽ നിന്നും ജില്ലാ ക്രെെം ബ്രാഞ്ച് ഡി.വെെ.എസ്.പിയുടെ നേതൃത്വത്തിലുള്ള സംഘമാണ് പീലിയാനിക്കലിനെ കസ്റ്റഡിയിലെടുത്തത്. ചോദ്യം ചെയ്യാനാണ് തോമസ് പീലിയാനിക്കലിനെ കസ്റ്റഡിയിൽ എടുത്തതെന്നും മുൻകൂർ ജാമ്യം ഉണ്ടോയെന്ന് അറിയില്ലെന്നും ക്രൈം ബ്രാഞ്ച് വ്യക്തമാക്കി.

കുട്ടനാട്ടിലെ നിരവധിയാളുകളുടെ പേരിൽ ഗ്രൂപ്പുകളുണ്ടാക്കി വ്യാജ രേഖ ചമച്ച് ആലപ്പുഴയിലെ വിവിധ ബാങ്കുകളിൽ നിന്നായി കാർഷിക വായ്പ തട്ടിയെടുത്ത കേസിലാണ് കുട്ടനാട് വികസന സമിതി എക്സിക്യൂട്ടീവ് ഡയറക്ടർ ഫാദർ തോമസ്പീലിയാനിക്കൽ പ്രതിയായത്. ഈ സംഭവത്തിൽ വിവിധ പൊലീസ് സ്റ്റേഷനുകളിലായി 12 കേസുകളാണ് ഇതിനകം രജിസ്റ്റർ ചെയ്;തത്. ആലപ്പുഴ ജില്ലാക്രെെം ബ്രാഞ്ച് അന്വേഷിക്കുന്ന കേസിൽ തോമസ് പീലിയാനിക്കലിനെ കൂടാതെ കാവാലം സ്വദേശിയും വെളിയനാട് ബ്ലോക്ക് പഞ്ചായത്തംഗവുമായ എൻ.സി.പി നേതാവ് അഡ്വ. റോജോ ജോസഫ്, കുട്ടനാട് വികസന സമിതി ഓഫീസ് ജീവനക്കാരിയുമായ ത്രേസ്യാമ്മ തുടങ്ങിയവരും പ്രതികളാണ്.

https://newsgil.com/2018/06/18/psc-coaching-classes/