നവംബർ 14 – ലോക പ്രമേഹ ദിനം; ഇൻസുലിൻ കണ്ടു പിടിച്ച സർ. ഫ്രെഡറിക്ക് ബാന്റിംഗിന്റെ ജന്മദിനം

ഇൻസുലിൻ കണ്ടു പിടിച്ച സർ. ഫ്രെഡറിക്ക് ബാന്റിംഗിന്റെ ജന്മദിനമാണ് ലോക പ്രമേഹ ദിനമായി ലോകമെമ്പാടും ആചരിക്കപ്പെടുന്നത്. 

ലോകത്ത് ആകമാനം 42.5 കോടി പ്രമേഹ രോഗികളുണ്ടെന്ന് ഇൻറർനാഷനൽ ഡയബെറ്റിസ് ഫെഡറേഷെൻറ ഏറ്റവും പുതിയ കണക്കുകൾ. ഇതിൽ 90% പേരും ടൈപ് 2 പ്രമേഹ വിഭാഗക്കാരാണ്. ചൈനയിലാണ് ഏറ്റവും കൂടുതല്‍ പ്രമേഹബാധിതരുള്ളത്. 7.3 കോടി രോഗികളുമായി ഇന്ത്യയ്ക്കാണ് രണ്ടാം സ്ഥാനം. അതിൽ 80% പേർക്കും ഭക്ഷണത്തിലെ ശ്രദ്ധയും വ്യായാമവും വഴി രോഗം പ്രതിരോധിക്കാൻ കഴിയും എന്നത് ഒരു വസ്തുതയാണ് . ഇന്ത്യ പോലുള്ള ഒരു രാജ്യത്ത് 80% പേരുടെ പ്രമേഹം യഥാർഥത്തിൽ തടയാനാകുമായിരുന്നു എന്നത് ഈ ദുരവസ്ഥയുടെ നേർകാഴ്ചയാണ്.

ലോക പ്രമേഹ ദിനത്തിന്റെ ഈ വർഷത്തെ മുദ്രാവാക്യം പ്രമേഹവും കുടുംബവും എന്നതാണ്. പ്രമേഹ ചികിത്സക്കും നിയന്ത്രണത്തിനും കുടുംബം ഒപ്പമുണ്ടാകണം എന്ന ഒാർമപ്പെടുത്തലാണ് ഇക്കുറി ലോകാരോഗ്യ സംഘടനയും ഇൻറർനാഷനൽ ഡയബെറ്റിസ് ഫെഡറേഷനും (IDF) ഇതിലൂടെ ലക്ഷ്യമിടുന്നത്.

കോഴിക്കോട് ജില്ലയിൽ, വിശേഷിച്ച് നഗരത്തിൽ ആരോഗ്യപ്രവർത്തകർ എല്ലാ വർഷവും വിപുലമായ രീതിയിൽ പ്രമേഹദിനം ആചരിക്കാറുണ്ട്. കോഴിക്കോട് മെഡിക്കൽ എജുക്കേഷൻ ആൻഡ് റിസർച്ച് ഗ്രൂപ്പും (MERG) , കാലിക്കറ്റ് ഫോറം ഫോർ ഡയബറ്റിസും, കോഴിക്കോട് റെയിൽവേ അധികൃതരും ജീവനക്കാരുമായി കൈകോർത്താണ് ഈ വർഷത്തെ സംയുക്ത ബോധവൽക്കരണ പരിപാടി നടപ്പാക്കുന്നത്

വിഷയത്തിന്റെ പ്രസക്തി പൊതുജനങ്ങളുടെ ശ്രദ്ധയിൽ കൊണ്ടുവരുന്നതിന് നവംബർ 14ന് “Diabetes Awareness on Wheels” എന്ന ഒരു പ്രഹേ ബോധവൽക്കരണ പരിപാടിയാണ് നടപ്പാക്കുന്നത്. പ്രമേഹരോഗത്തിന്റെ വിശദാംശങ്ങൾ ഉൾപ്പെടുത്തി ‘മധുരയാത്ര’ എന്ന ഒരു പ.ത്രം തയാറാക്കി സൗജന്യമായി യാത്രികർക്ക് വിതരണം ചെയ്യും. പ്രമേഹചികിത്സാ രംഗത്തെ പ്രഗദ്ഭർ തയാറാക്കിയതാണ് കുറിപ്പുകൾ. നിരവധി മണിക്കൂറുകൾ തുടർച്ചയായി ട്രെയിനിൽ യാത്രചെയ്യുന്നവർക്കിടയിലാണ് ‘മധുരയാത്ര’ പ്രധാനമായും വിതരണം ചെയ്യുന്നത്. കൂടാതെ യാത്രക്കാർക്കും ജീവനക്കാർക്കം സൗജന്യ പ്രമേഹരോഗ പരിശോധന, ബോധവൽക്കരണ ക്ലാസ്സുകൾ ഇവയും സംഘടിപ്പിക്കും. NCC കേഡറ്റുകളും , JDT College of Nursing ലെ വിദ്യാത്ഥി വിദ്യാത്ഥിനികൾ, National Diabetes Educator program ട്രെയിനിസ് മുതലായവരും .ഈ പരിപാടിയിൽ പങ്കാളികളാകും.

ജില്ലയിൽ വളരെയധികം വർധിച്ചു വരുന്ന ജീവിതശൈലീ രോഗങ്ങളെ കുറിച്ച്അറിവുണ്ടായിട്ടും അലംഭാവത്തോടെ നോക്കി നിൽക്കുന്ന ഒരു ജനതയാണ് നമ്മൾ. ഭക്ഷണക്രമത്തിലോ ജീവിത ശൈലിയിലോ ഒരു മാറ്റവും വരുത്താൻ നമ്മൾ തയ്യാറാകുന്നില്ല. ഇതു കാരണം രോഗികളാകുന്നവരുടെ എണ്ണം ദിനംപ്രതി വർധിച്ചു കൊണ്ടിരിക്കുന്നു. ഇതിനൊരു മാറ്റം ഈ കാമ്പയിൻ ലക്ഷ്യംവെക്കുന്നു.

പ്രമേഹ ദിനാചരണത്തിലും ബോധവൽക്കരണ പ്രവർത്തനങ്ങളിലും എല്ലാ മാധ്യമപ്രവർത്തകരുടെയും സഹകരണം പ്രതീക്ഷിക്കുന്നു.

Dr.S.K.Suresh Kumar
Secretary
MERG
9447470269