മുഖ്യമന്ത്രി രാധാകൃഷ്ണനോട് പറഞ്ഞ സുരേഷ് ഗോപി ഡയലോഗ് “ഫ…പുല്ലേ”, എന്നോ അതോ “ഷിറ്റ് ?

മുഖ്യമന്ത്രിയെ ചവുട്ടി അറബിക്കടലില്‍ എറിയുമെന്ന് ഭീഷണി മുഴക്കിയ ബി.ജെ.പി നേതാവ് എ.എന്‍ രാധാകൃഷ്ണന് ചുട്ട മുഖ്യമന്ത്രി മറുപടിയുമായി പിണറായി.രാധാകൃഷ്ണൻറെ ഭീഷണിയൊന്നും ഇങ്ങോട്ടുവേണ്ട.ഒരു ഭീഷണിയും വിലപ്പോവില്ല. ഒരുപാട് ചവിട്ടുകൊണ്ടിട്ടുള്ള ശരീരമാണ് ഇത്. വല്ലാത്ത ആഗ്രഹമുണ്ടെങ്കില്‍ ഒരു കോലം കെട്ടിയുണ്ടാക്കിയിട്ട് കടലില്‍ തള്ളി ആശ്വസിച്ചോളാന്‍ മുഖ്യമന്ത്രി രാധാകൃഷ്ണന് മറുപടിയായി പറഞ്ഞു. രാധാകൃഷ്ണനോട് പറയാനുള്ളത് സുരേഷ് ഗോപി സിനിമയില്‍ പറയാറുള്ള സ്ഥിരം ഡയലോഗാണെന്നും മുഖ്യമന്ത്രി പരിഹസിച്ചെങ്കിലും ഡയലോഗ് “ഫ…പുല്ലേ”, എന്നോ അതോ “ഷിറ്റ് ; ആണോ എന്ന് അദ്ദേഹം വെളിപ്പെടുത്തിയില്ല.

ശബരിമലയില്‍ ഇന്നലെ പ്രതിഷേധം അതിരുവിട്ടപ്പോഴാണ് സര്‍ക്കാര്‍ ഇടപെട്ടതെന്ന് മുഖ്യമന്ത്രി പിണറായി വിജയന്‍.പറഞ്ഞു ആചാര സംരക്ഷകര്‍ ചമയുന്നവര്‍ ആചാരലംഘനം നടത്തുന്നത് കേരളം കണ്ടതാണ്. ശബരിമല പിടിച്ചെടുക്കാനുള്ള തന്ത്രമാണ് ബി.ജെ.പി സര്‍ക്കുലറിന് പിന്നിലെന്നും മുഖ്യമന്ത്രി പറഞ്ഞു.

അധികാരം ബോര്‍ഡിനാണ്. അത് കയ്യടക്കാമെന്ന് ആരും വ്യാമോഹിക്കണ്ട. നാടിനെ തകര്‍ക്കാന്‍ ഇറങ്ങിയാല്‍ നേരിടുമെന്നും മുഖ്യമന്ത്രി പറഞ്ഞു. രാഹുല്‍ ഗാന്ധിയെ തള്ളി കേരളത്തിലെ കോണ്‍ഗ്രസ് നേതൃത്വം അമിത് ഷായ്ക്ക് പിന്നാലെ പോകുന്നത് പരിഹാസ്യമാണെന്നും മുഖ്യമന്ത്രി കൂട്ടിച്ചേർത്തു.