ദേ ഇത്രയെ ഉള്ളൂ അയ്യപ്പൻറെ നൈഷ്‌ടീകം: ഓരോരോ മോഹങ്ങളേ? കേരള സർക്കാരിനെ പിരിച്ചു വിടണമെന്ന് ബിജെപി

കേരളത്തിലെ സർക്കാരിനെ പിരിച്ചു വിടണമെന്നും സംസ്ഥാനത്ത് രാഷ്ട്രപതി ഭരണം കൊണ്ട് വരണമെന്നും ലോക്സഭയിൽ ബിജെപി ആവശ്യപ്പെട്ടു. ബിജെപി എംപി നിഷികാന്ത് ദുബൈ ആണ് കേരളത്തിലെ വിഷയം സഭയിൽ ഉന്നയിച്ചത്. പോരാത്തതിന് നിഷികാന്ത് ദുബൈ എംപിയാകട്ടെ ഒടുക്കത്തെ ആചാരസംരക്ഷകനുമാണ്. നേരത്തെ ഒരു പൊതുവേദിയിൽ പാർട്ടി പ്രവർത്തകനെക്കൊണ്ട് കാൽ കഴുകി ആ വെള്ളം കുടിപ്പിച്ച് സനാതന ഹൈന്ദവാചാരം സംരക്ഷിച്ച ദേശ സ്നേഹിക്കൂടിയാണ് ഇദ്ദേഹം.

കേരളത്തില്‍ നടന്ന അക്രമങ്ങളില്‍ ജുഡീഷ്യല്‍ അന്വേഷണം വേണം. സംസ്ഥാന സര്‍ക്കാരിനെ പിരിച്ചുവിട്ട് രാഷ്ട്രപതി ഭരണം കൊണ്ടുവരണം. സംസ്ഥാനത്ത് അക്രമങ്ങള്‍ നടക്കുന്ന സാഹചര്യത്തിലാണ് ബിജെപി ലോക്‌സഭയില്‍ ആഗ്രഹങ്ങളുടെ കെട്ടഴിച്ചത്.

സംസ്ഥാനത്ത് ബിജെപി പ്രവര്‍ത്തകര്‍ക്കോ സംഘപരിവാര്‍ പ്രവര്‍ത്തകര്‍ക്കോ ജീവിക്കാന്‍ സാധിക്കാത്ത സാഹചര്യമാണുള്ളത്. ബിജെപി നേതാക്കളുടെ വീടുകള്‍ക്ക് നേരെ പോലും അക്രമങ്ങള്‍ ഉണ്ടാകുന്നു. നല്ല രീതിയില്‍ രാഷ്ട്രീയ പ്രവര്‍ത്തനങ്ങള്‍ നടത്താന്‍ സംസ്ഥാനത്ത് കഴിയുന്നില്ല. ഇങ്ങനെയൊരു സാഹചര്യത്തില്‍ കേന്ദ്രം ഇടപെട്ട് സര്‍ക്കാരിനെ പിരിച്ചുവിടണമെന്നാണ് ബിജെപി ആവശ്യപ്പെട്ടത്.