“ഭക്ഷണോ നവർജ്യ മുദ്ദചൃ, കപ്പയോ മീനോ ബോട്ടി, ന:വിഷ ആഹാരമാച”

തെക്കുവടക്കോ കിഴക്കുപടിഞ്ഞാറോ സൂര്യഭഗവാന് ലംബമായോ നിൽക്കുന്ന ചേന തിരു ഡിങ്കാലയിൽ ഉപയോഗിക്കരുത് ‘അവർക്ക് ചൊറിച്ചിലുണ്ടാക്കും എന്ന് ഡിങ്കമതാചാര്യൻറെ മുന്നറിയിപ്പ്. ഡിസംബർ 10ന് ആലപ്പുഴയിൽ നടക്കുന്ന ഡിങ്കാലയുടെ പശ്ചാത്തലത്തിൽ ആചാരപരമായി ഡിങ്കാല നടത്തേണ്ടത് എങ്ങനെയെന്ന് വിശദീകരിക്കുകയായിരുന്നു പങ്കിലക്കാട്ടിലെ അഖില ലോക ഡിങ്കമത തന്ത്രിമാരിൽ ഒരാളായ ബ്രഹ്മ ശ്രീ കണ്ഠരര് മൂഷികരര് ഫിലിപ്പരര് നിന്തിരുവടികൾ. ഡിങ്കോയിസം(മ) യുടെ ദക്ഷിണകേരള മഹാ ഇടവകയും മൂഷികസേനയും ചേർന്നാണ് ആലപ്പുഴയിലെ പ്രമുഖ ഡിങ്കോയിസ്റ്റ് പിപിസുമനന്റെ ഇഷ്ടകാര്യ സിദ്ധിക്ക് വേണ്ടി “സമൂഹ തിരു ഡിങ്കാല” അർപ്പിക്കുന്നത്. നടുറോഡിൽ പൊങ്കാല അവസാനിപ്പിക്കാനായി വർഷങ്ങളായി ഒറ്റയാൾ സമരം നടത്തുന്ന പിപിസുമനന്റെ ഉദ്ദിഷ്ടകാര്യ സിദ്ധിക്കാണ്‌ സർവശക്തനായ ഡിങ്കഭഗവാന് ഡിങ്കമതക്കാരും ഡിങ്കഭക്തന്മാരായ അന്യമതസ്ഥരും എല്ലാം ചേർന്ന് ‘തിരു ഡിങ്കാല’ അർപ്പിക്കുന്നത്.

ഡിങ്കമതക്കാരെ കൂടാതെ അന്യമതസ്ഥരും പങ്കെടുക്കുന്നുണ്ട് എന്നതിനാലാണ് ഡിങ്കമത ആചാരങ്ങൾ വശമില്ലാത്ത അന്യമതസ്ഥരുടെ അറിവിലേക്കായി വിശുദ്ധ ബാലമംഗളം നിഷ്കർഷിക്കുന്ന ഡിങ്കാലയുടെ ആചാരങ്ങൾ എന്തൊക്കെയെന്ന് വ്യക്തമാക്കിക്കൊണ്ട് ഡിങ്ക തന്ത്രികൾ പ്രസ്താവന ഇറക്കിയത്. ഡിങ്കമതാചാരങ്ങൾ എല്ലാഡിങ്കോയിസ്റ്റുകളും അല്ലാത്തവരും തിരു ഡിങ്കാല കഴിയുന്നതുവരെ പാലിക്കണമെന്നും അദ്ദേഹം പറഞ്ഞു. യുക്തിവാദികൾ ആരെങ്കിലും ഡിങ്കാലയിൽ നുഴഞ്ഞുകയറി ആചാര ലംഘനങ്ങൾ നടത്തുന്നുണ്ടോ എന്ന് മൂഷികസേനാ പ്രവർത്തകർ സദാ ജാഗരൂകരായിരിക്കണമെന്നും അദ്ദേഹം ആഹ്വാനം ചെയ്തിട്ടുണ്ട്.

കപ്പയല്ലാതെ മറ്റു കിഴങ്ങുവർഗ്ഗങ്ങൾ ഡിങ്കാലയ്ക്കായി ഉപയോഗിക്കുന്നുണ്ടെങ്കിൽ “കണ്ണൻ ചേമ്പിൽ കണ്ണനുള്ള തിനാൽ വർജ്ജിക്കുന്ന ഇതര മതക്കാർക്ക് ചോറിയൻ ചേമ്പാണ് ഉത്തമം എന്നും അക്കാര്യം പ്രത്യേകം ശ്രദ്ധിക്കണമെന്നും അദ്ദേഹം വ്യക്തമാക്കി. ഭക്ഷണ പൂജാ കാര്യങ്ങളിൽ ഇതരമതങ്ങൾ പുലർത്താറുള്ള നിഷ്കുകൾ ഡിങ്കമതത്തിന് നിർബന്ധമില്ല

” ഭക്ഷണോ നവർജ്യ മുദ്ദചൃ
കപ്പയോ മീനോ ബോട്ടി
ന: വിഷ ആഹാരമാച”
(വി. ബാ: മ 8:36)

റേഷൻ ചാക്കരി മുതൽ കപ്പയും ബോട്ടിയും ഉണക്കമീനും വരെ എന്തും നിവേദ്യമായി സ്വീകരിക്കുകയും ആഹാരമാക്കുകയും ചെയ്യുന്ന ഏക ഭഗവാൻ ഡിങ്കൻമാത്രമാണെന്നിരിക്കെ ഡിങ്ക ഭക്തർക്കും വിഷം അടക്കം എന്തും കഴിക്കാം എന്ന് ബാലമംഗളം പറയുന്നു

” കഴിക്കാം വിഷവും തെല്ലും
കൊടുക്കരുതപരന്നെഹനിപ്പാൻ “ (വി ബാ: മ6:34)

എലിവിഷം കഴിച്ചു മരിക്കുന്നതിനെ ഭഗവാൻ എതിർക്കുന്നില്ല മറിച്ച് എലിവിഷം അപരനെ അപായപ്പെടുത്തുവാൻ ഉപയോഗപ്പെടുത്തുന്നതിനെ ഡിങ്ക ഭഗവാൻ ബിമർശിക്കുന്നു (വി: ബാ: മ 13:26)

ആയതിനാൽ സത്യം സത്യമായി ഞാൻ നിങ്ങളോട് പറയുന്നു മനുഷ്യജീവിതം ക്ഷണികമാണ്
കൊതിയുള്ളതെല്ലാം ഡിങ്കാല കലത്തിലിട്ടു പുഴുങ്ങിയോ ചുട്ടോ തിന്നുകൊള്ളുക. ദൈവത്തെപ്പേടിച്ച് ഭൂമിയിൽ ജീവിക്കുന്നവരെ ദൈവം പോലും വെറുതെ വിടില്ല

ഡിങ്ക മത വിശ്വാസികൾക്ക് യാതൊരു ഭക്ഷണവും വർജ്യമല്ല എന്ന് ബാലമംഗളത്തിലെ തിരുവെഴുത്തുകൾ പറയുന്നു. ഡിങ്കാലയ്ക്ക് ഉണക്കമീന്‍ ചുടുമ്പോൾ പക്ഷെ’ മുള്ള് കുറവുള്ളതാണ് ഉചിതം….

ചുവന്ന ജെട്ടി പഴയതോ പുതിയതോ നിവര്‍ത്തിയോ മടക്കിയോ വെക്കാവുന്നതാണ്.

തേങ്ങാ മുറിക്കാതെ വെക്കരുത് ……..
നമ്മുടെ ഡിങ്കഭഗവാന് മുഴുവന്‍ തേങ്ങാ കിട്ടിയിട്ട് ഒരു കാര്യോം ഇല്ലാ…

സ്വര്‍ണമാല സ്വര്‍ണ മോതിരം എന്നിവ സ്വന്തം റിസ്കില്‍ വെക്കുന്നതാണ് ഉചിതം ആരെങ്കിലും അടിച്ചോണ്ട് പോയിട്ട് ഭഗവാന്‍ കണ്ടു പിടിച്ചു തരണം … തരും എന്നു വിശ്വാസിക്കുന്നതില്‍ യുക്തി ഇല്ലാ…

ഡിങ്കാല അടുപ്പിൽ തീ പകരാൻ മുഹൂർത്തമാകാൻ  കാത്തു നില്‍ക്കാതെ ഡിങ്കാല നേരത്തെ പുഴുങ്ങുകയോ ചുടുകയോ ചെയ്യാൻ ഭകതര്‍ ശ്രദ്ധിക്കുക… ഭഗവാന്‍ ഏതു സമയത്തും അവയിലബിളാണ്…..

മറ്റു വിശ്വാസികളെ പ്പൊലെ ഡിങ്കാല കഴിഞ്ഞാൽ പ്രസാദം വലിയ ഉരുളി കൊണ്ടു മൂടാതിരിക്കാന്‍ ഭകതര്‍ ശ്രദ്ധിക്കണം അത് ഡിങ്ക കോപത്തിന് കാരണമാകും ….

ഡിങ്കാലയിട്ട വസ്തുക്കള്‍ എടുത്ത് പിറ്റേന്ന് ബ്രെക്ക് ഫാസ്റ്റിനോ വൈകുന്നേരം ചായക്കോ ടച്ചിങ്‌സ് പോലെ കഴിക്കുന്ന ഉടായിപ്പ് ഡിങ്ക ഭകതര്‍ ചെയ്യാന്‍ പാടില്ല.

ഡിങ്കഹിതപ്രകാരം ഭക്തജനങ്ങൾ വിശുദ്ധ ബാല മംഗളവും ഡിങ്കപുരാണവും പറയുന്ന ആചാരങ്ങൾ പാലിച്ച് ഡിങ്കാല ഇടാൻ പ്രത്യേകം ശ്രദ്ധിക്കണമെന്ന് ഡിങ്ക തന്ത്രികൾ: കണ്ഠരര് മൂഷിക ര് ഫിലിപ്പരര് പറഞ്ഞു.