സിസ്റ്റർ ലൂസിക്കെതിരെ ഭാഷാ വരത്താൽ നിറഞ്ഞ് അന്യഭാഷയിൽ ശാസിച്ചും ഭൽസിച്ചും ഫാദർ സെബാസ്റ്റ്യൻ മുതുപ്ലാക്കലിൻറെ ലേഖനം

പ്രായപൂർത്തിയാകത്തെ പെൺകുട്ടിക്ക് യേശുവിൻറെ പ്രതിപുരുഷനിൽനിന്നും പള്ളിമേടയിൽ വെച്ച് ലഭിച്ച ദിവ്യഗർഭത്തെ സ്വന്തം തന്തയുടെ തലയിൽ കെട്ടിവെച്ച് കേരളത്തിന് കത്തോലിക്കാമാതൃക പരിചയപ്പെടുത്തിയ റോബിൻ വടക്കുംചേരിക്ക് ശേഷം സഭയുടെ മറ്റൊരു മുട്ടനാട് ഫാദർ സെബാസ്റ്റ്യൻ മുതുപ്ലാക്കൻ വീണ്ടും സിസ്റ്റർ ലൂസിക്കെതിരെ ഭാഷാവര പ്രയോഗവുമായി രംഗത്ത്.

കഴിഞ്ഞ ദിവസം മാനന്തവാടി കരയ്ക്കാമല പള്ളിയിലെ വികാരി സ്റ്റീഫൻ കോട്ടയ്ക്കൽ മദർ സുപ്പീരിയർ ലിജി മരിയയെ അടുക്കളയിൽ ചാരി നിർത്തി ആനാം വെള്ളം തളിക്കുന്നത് നേരിൽ കണ്ട സിസ്റ്റർ ലൂസി കളപ്പുരയ്ക്ക് നേരെ ഉണ്ടായ അക്രമങ്ങൾ വാർത്തയായിരുന്നു. യാദൃശ്ചികമായി പുരോഹിതന്റെയും മദർ സുപ്പീരിയറിന്റെയും കലാപരിപാടികൾ കണ്ട് ജീവരക്ഷാർത്ഥം ഒച്ചയിട്ട് പുറത്തേയ്‌ക്കോടിയ സിസ്റ്റർ ലൂസി കളപ്പുരയ്ക്കൽ നാട്ടുകാരെയും പോലീസിനെയും കൂട്ടി തിരിച്ചെത്തിയെങ്കിലും പരിശുദ്ധാത്മാവ് അത്ഭുതം പ്രവർത്തിച്ച് സിസി ടിവി കേടാക്കുകയായിരുന്നു.

പിന്നീട് ‌ കത്തോലിക്കാസഭയുടെ കുപ്രസിദ്ധനായ മാനന്തവാടി പിആർഒ സ്ഥലത്തെത്തി സിസി ടിവിയെ കർത്താവിൻറെ നാമത്തിൽ ശാസിക്കുകയും ഭൽസിക്കുകയും ചെയ്തപ്പോൾ സിസിടിവി പ്രവർത്തനക്ഷമമാകുകയും അതിൽനിന്നും ലഭിച്ച ദൃശ്യങ്ങൾ തുണ്ടുപട എഡിറ്റർകൂടിയായ പിആർഒ എഡിറ്റ് ചെയ്തത് കത്തനാരെ വെള്ളപൂശാനായി സോഷ്യൽമീഡിയയിൽ പ്രചരിപ്പിക്കുകയും ചെയ്തിരുന്നെങ്കിലും അതോടുകൂടി സിസ്റ്റർ ലൂസി കളപ്പുര പറഞ്ഞത് സത്യമാണെന്ന് പൊതു സമൂഹത്തിന് ബോധ്യമാവുകയും ചെയ്തു.
ചക്കിന് വെച്ചത് കൊക്കിന് കൊണ്ടെന്ന് മനസിലാക്കിയാണ് കത്തോലിക്കാ സഭയ്‌ക്കെതിരെ സോഷ്യൽ മീഡിയയിൽ പോസ്റ്റിടുകയും വാർത്തകൊടുക്കുകയും ചെയ്യുന്നവരെ കേസിൽ കുടുക്കി ഒതുക്കാനുള്ള പ്ലാൻ സി യുടെ ഉപജ്ഞാതാവായ ഫാദർ സെബാസ്റ്റ്യൻ മുതുപ്ലാക്കൻ പരിശുദ്ധാത്മാവിനാൽ നിറഞ്ഞ് ഭാഷാവരം നേടി അന്യഭാഷയിൽ സിസ്റ്റർ ലൂസിയെ ശാസിക്കുകയും ഭൽസിക്കുകയും ചെയ്തുകൊണ്ട് രംഗത്ത് വന്നത്.

വോക്‌സ് ഓൺലൈൻ ന്യൂസ് എന്ന വെബ്സൈറ്റിൽ ഫാദർ സെബാസ്റ്റ്യൻ മുതുപ്ലാക്കൻ അന്യഭാഷാവരത്താൽ നിറഞ്ഞ് എഴുതിയ സിസ്റ്റർ ലൂസിയെ ‘ജന്തു’ എന്ന് സംബോധന ചെയ്തുകൊണ്ട് തുടങ്ങുന്ന ലേഖനത്തിൽ പ്രയോഗിച്ചിട്ടുള്ള വാക്കുകൾക്ക് ലേഖനത്തിൻറെ അവസാനം മറ്റുള്ളവർക്ക് മനസിലാകാനായി പദസൂചികയും കൊടുത്തിട്ടുണ്ട്. തനിക്ക് പരിശുദ്ധാത്മാവിൻറെ അനുഗ്രഹത്താൽ ലഭിച്ച ലോകത്തിലെ ഏറ്റവും വലിയ തെറിവാക്ക് ആണ് മുകളിൽ സിസ്റ്റർ ലൂസിയെ വിളിച്ചിരിക്കുന്നതെന്ന് പദസൂചികയിൽ മുതുപ്ലാക്കൻ തന്നെ പറയുന്നുണ്ട്.