Saturday, October 16, 2021

Latest Posts

പ്രശസ്ത യുക്തിവാദി എം.പി.സദാശിവൻ ഗിന്നസ് റിക്കാഡിലേക്ക്

107 കൃതികൾ മലയാളത്തിലേക്ക് പരിഭാഷ ചെയ്ത പ്രശസ്തയുക്തിവാദിയും കേരളാ യുക്തിവാദി സംഘത്തിൻറെ മുഖപത്രമായ ‘യുക്തിരേഖ’യുടെ മുൻ എഡിറ്ററുമായ എം.പി.സദാശിവൻ ഗിന്നസ് റിക്കാർഡിലേക്ക്. ഇംഗ്ലീഷ്, ഹിന്ദി, തമിഴ്, മറാഠി എന്നീ ഭാഷകളിൽ നിന്നും മലയാളത്തിലേക്കാണ് മൊഴിമാറ്റം ചെയ്തിരിക്കുന്നത്. 13 സ്വന്തം കൃതികളും അദ്ദേഹത്തിന്റേതായിട്ടുണ്ട്. ലോകത്ത് ഏറ്റവുമധികം ഗ്രന്ഥങ്ങൾ വിവർത്തനം ചെയ്ത ആൾ എന്ന നിലക്ക് മുൻപ് ലിംക ബുക്സ് ഓഫ് റെക്കോർഡിൽ രേഖപ്പെടുത്തപ്പെട്ടിട്ടുണ്ട്. 

84 വയസുള്ള സദാശിവൻ ദിവസം 50പേജുകൾ വരെപരിഭാഷ ചെയ്തിട്ടുണ്ട്. ആകെ 45,000പേജുകൾ പരിഭാഷപ്പെടുത്തിയിട്ടുണ്ട്. ഷെർലക് ഹോംസിലെ ചെമ്പൻ മുടിക്കാർ ആണ് ആദ്യം പരിഭാഷ നിർവഹിച്ച കൃതി. പ്രശസ്ത എഴുത്തുകാരുടെ പല പ്രധാന കൃതികളും അദ്ദേഹം പരിഭാഷ ചെയ്തിട്ടുണ്ട്.

പരിഭാഷയിൽ കൂടുതൽ ഇഷ്ടപ്പെട്ട കൃതി 1001 രാവുകളാണ്. പെണ്ണരശുനാട്ടിലെ ഒരു കുടുംബപുരാണമാണ് ഉടൻ പ്രസിദ്ധീകരിക്കാൻ പോകുന്ന കൃതി. കേരള സാഹിത്യ അക്കാദമി, ബാലസാഹിത്യ അക്കാദമി, ഭാഷാ ഇൻസ്റ്റിറ്റൂട്ട് എന്നിവർ ഏർപ്പെടുത്തിയ പുരസ്ക്കാരങ്ങൾ ലഭിച്ചിട്ടുണ്ടണ്ട്. കേരള സാംസ്ക്കാരിക വകുപ്പിന്റെ സീനിയർഫെല്ലോഷിപ്പും അദ്ദേഹത്തിന്‌ ലഭിച്ചിട്ടുണ്ട്. 

1940-ൽ തിരുവനന്തപുരത്ത് വഞ്ചിയൂരിലാണ് ജനനം. മാധവൻ പിള്ളയാണ് അച്ഛൻ. അച്ഛന്റെ മരണത്തോടെ താമസം അമ്മവീടായ കാട്ടാത്തറയിലേക്ക് മാറി. അഞ്ചാം ക്ലാസ്സ് മുതൽ കാട്ടാത്തറ സ്കൂളിലായിരുന്നു പഠനം. തിരുവനന്തപുരം ഇന്റർമീഡിയറ്റ് കോളേജ്, മാർത്താണ്ഡം ഹിന്ദു കോളേജ് എന്നിവിടങ്ങളിൽ വിദ്യാഭ്യാസം പൂർത്തിയാക്കി ബിരുദം നേടി. ഏജീസ് ഓഫീസിലെ സീനിയർ ഓഡിറ്ററായി വിരമിച്ച സദാശിവന്റെ പത്‌നി അധ്യാപികയായ പത്മജ ആണ്.





Latest Posts

spot_imgspot_img

Don't Miss

Stay in touch

To be updated with all the latest news, offers and special announcements.